【創業成功故事】裝修佬裝修學院Simon專訪 | Reap Global

【創業成功故事】裝修佬裝修學院Simon專訪

HKDecoman

6 min read

任職管理層並不代表真正懂得管理,相信大家也見過不少人事和管理問題。上司無能,下屬亦自然有心無力。作為裝修佬三大核心人物之一,裝修學院Simon與大家分享自己的管理心得,細說從人事管理帶領公司不斷向前的要訣。

招聘時嚴格挑選

想要把關員工質素,最簡單便是從招聘時入手。Simon認為應徵者的心態比能力更重要,「佢能力低,我可以提升佢。過程中,佢仲會感受到公司嘅栽培」,但員工心態有問題,即使能力有所進步,亦無法為公司帶來效益。

他指心態有兩種,員工是否思想負面,及員工的價值觀和性格是否與公司合得來。思想負面的人會影響員工士氣,而員工性格則影響其做事風格。例如,公司要實行方法A,但員工認為方法A做法不會成功,於是便埋頭苦幹,努力做自己認為可行的方法B,最終,公司認為他不稱職,而員工卻認為不獲賞識,繼以開始埋怨。雙方性格不合,自討沒趣。

好上司的獨特見解

Simon作為合夥人和Chief Knowledge Officer,認為上司是公司與下屬間的橋樑,亦是下屬的伯樂。「我以前覺得,一位好嘅上司就係對員工好。其實呢個好,只係一種膚淺式嘅被喜愛。請人其實係請嚟幫公司手,唔係自High,所以被喜愛係無意義。」

那到底何謂好上司呢?他提出了4點:

  1. 成為公司與下屬間的橋樑:
    主管將公司方針有技巧地告訴下屬,過程或需要將訊息重新包裝,亦要將下屬的訴求向公司反映。Simon指:「中間個角色做唔好,就係兩面不是人,夾死自己。喺高層面前怨下屬,喺下屬面前怨公司。最後,只可以同兩邊乞求妥協,要求雙方降低標準,無法駕馭矛盾,締造雙贏 。」
  2. 上司是下屬的伯樂:
    他認為上司的視野應比下屬更高更遠,有責任引領下屬成長,成為下屬的職業導師,並指成長並不一定要下屬嘗試不同崗位。「如果佢唔鍾意試其他嘢,未俾佢做番做緊嘅嘢,但要令佢鑽得更深更專,成為嗰個範疇嘅專家,咁都係成長!」
  3. 要有Year Plan:
    員工做事時,少不免會問為什麼。為了不被問到「口啞啞」,他指上司必定要準備好年度計劃。「有咗Year Plan,就知自己做乜,可以早D諗,諗多幾步,做預備。如果無,好多嘢都係即時做,咁你吩咐下屬做嗰陣,一定俾人問到你唔識答,同埋好多嘢會慢咗。」
  4. 好上司是強大的PK:
    Simon認為上司的心態應略為苛刻,特別要迫使員工在心態上進步。「人係有惰性,如果你只係靠願景去推動員工達成各種高標準,係無乜可能!迫人提升做事標準嘅過程,你一定要有料。如果無,就好難服眾。當然,你可以用職權壓D細,但佢哋唔會服你,最終好難留住人才,亦難掌控環境變化!」

 

作者簡介:裝修佬致力於令香港沒有麻煩/爛尾的裝修。為實現這個使命,全體裝修佬成員不斷努力,推動裝修、建材、家居市場的規範化,改變著數千萬家庭的裝修方式和置家理念,為用戶創造卓越的互聯網裝修體驗。作為香港互聯網裝修領導者,裝修佬將通過O2O的模式,為傳統裝修及家居領域帶來新的變革,提供免費裝修報價服務,亦舉辦皇牌裝修防伏班,不斷為用戶創造價值,引領行業發展。