【創業成功故事】裝修佬首席裝修顧問Andy專訪 | Reap Global

【創業成功故事】裝修佬首席裝修顧問Andy專訪

HKDecoman

6 min read

早前與大家分享了裝修佬其中兩位核心人物,而今天則是最後一位,亦是與早前兩位性格差異甚大的首席裝修顧問Andy。他為人隨和,經常鼓勵同事,更會像日劇中的角色,於關鍵時刻大喊「大家加油!努力!一定掂!」。

創業之路 從不容易

因Andy覺得打工看不見將來,加入裝修佬前,他亦曾創業,隨後曾替從事裝修工程的兄長工作了一陣子,令他知道香港很需要第三方裝修服務網上平台。那他如何評價裝修佬這家公司?Andy認為:「喺呢間公司,大家都真係做嘢嘅人。每個人都係好主動搵嘢做,所以,唔啱做嘅人,返一兩日工就會唔做。」

工作之餘 毋忘初衷

Andy表示以往曾因工作忙碌,迷失自我,他說:「我其實好鍾意幫同事,但有段時間喺公司,我係迫自己唔出手,只係專心做自己嘢,嗰段時間真係好辛苦,我覺得好似迷失咗自己!不過,呢件事亦令我去思考,究竟點,先可以合符自己性格嘅同時,亦可以令公司同埋自己都有成長。好彩,之後我諗通咗,重新投入享受工作!」

凡事小心 事事三思

他指職場上,不少後輩做事均較為衝動,每當有人提出或詢問某事時,後輩一旦知道,便會立即搶答,顯示自己有相關知識,但其實有時這樣卻了壞了大事。聽上去十分玄妙,那又應該如何改善?他指:「就係做乜都要諗多幾步,要知自己無論答咗乜,都係有責任要負!」

 

作者簡介:裝修佬致力於令香港沒有麻煩/爛尾的裝修。為實現這個使命,全體裝修佬成員不斷努力,推動裝修、建材、家居市場的規範化,改變著數千萬家庭的裝修方式和置家理念,為用戶創造卓越的互聯網裝修體驗。作為香港互聯網裝修領導者,裝修佬將通過O2O的模式,為傳統裝修及家居領域帶來新的變革,提供免費裝修報價服務,亦舉辦皇牌裝修防伏班,不斷為用戶創造價值,引領行業發展。